Cenni storici - Filastrocche
A voi la pagina delle filastrocche di Paveto che Luciano
Fantini (Lucci), ci ha messo gentilmente a disposizione:
I numiaggi de Pavei e Costagiutta intu periodu de l'ottusentu
in dialettu locale.
(creazione di Giuseppe Mario Setti a beneficio
dei pochissimi residenti)
Pavei, bellu vei
tre campanne attachè a 'n pei
pe bataggiu 'n spigu d'aggiu
pe releiu na sciappa de coeiu
pe lansetta 'na figa secca
A Pavei gh'ea 'na famiggia
Ch'a ciamavan Scagamiggia,
U vin bun aveiva i BUGIULLI
chi viveiva isulè ean i CUGlULLI
Chi anava a Costagiutta ne vedeiva
una bella e una brutta
Ghea u PELISSA, un riccun
ch'u l'ea 'n gran imbuggiun
Ghe piaxeiva donne e vin
e u metteiva a tutti in tu stuppin
Pe mezu de n'avocatu
sempre 'n lite, senza fiatu
s'è mangiou tuttu litigandu
e u l'è mortu miserandu
Ghe a u Scricciulun ch'u l'ea 'n minciun
A so donna a I'ea 'a Scricciolla
e a l'aveiva a pansa molla
A 'a figetta ch'a l'ea bella
ghe divan 'a SCRICCELLA
e u figgieu ch'u l'ea piccin
u ciamavan SCRICCIUNIN
L'ea 'a famiggia di SCRICCIOLLI
che nu ean pe' ninte sciolli
U Magu tuttu u veiva
i fèti de tutti u saveiva
I giurnali u cumentava
e ai villesanti u dumandava
infurmassuin p'aese agiurnou
de quellu che l'ea capitou
U rieiva tantu forte ch'u sentivan da luntan
cumme se baiesse 'n can
MACACCU e MACACCHIN
gente brava e 'n po' beghin,
U GATUELLA cun l'asenin
fava i trasporti ai cuntadin
CALLAIU un buntempun
all' occurrensa un busarun
Ghe piaxeiva tantu u vin
e a seu donna 'a CALLAIA u cuntentin
Sempre allegra a cantava
e cun tutti a schersava
Tanti fuenti a I'à allevou
e nisciun sé n'è scurdou
In Geixa a 'e funsuin
a cantava 'e orassuin.
ANGIOU DI RIUNDI a caccia u anava
e cuntinuamente u parlava
CIACARA u viveiva isulou
in mesu a 'e pruxe addumestegou
Dae Americhe u l'ea riturnou
ma u l'ea stetu sfurtunou
Anche CIOSSA u buttegà
sempre allegru, u ghe saiva fa
Un zuenottu c'u veiva tuttu
u ciamavan u PRETUTTU
Un zuenottu c'u aveiva què de louà
sempre in giù a bigunà
De 'na serva u s'ea innamouou
e u rivale u I'aiva accultellou
e in America u l'ea scappou.
Tutti aveivan un numiaggiu
ma a ciamali ghea curaggiu
Da deré a e spalle se parlava
Se nu di guai s'incuntrava.
|